Pupujian Nadhom Sunda Sipat Dua Puluh

 

Pupujian Nadhom Sunda Sipat Dua Puluh

 

1. Ari puji sadaya kagungan Allah

Rohmat salam nu tetep di Rasulullah

Saparantos muji maca salam

leu sipat duapuluh dina Nadhom

 

2. Cara inten biduri dina kongkorong

Rante emas cahayana gilang gumilang

Nu wajib nu mustahil sareng nu wenang

Di Pangeran di pa-Rosul wajib terang

 

3. Lamun hanteu terang pinasti disiksa

Ku Gusti Allah nu Murba Wisesa

Ari sipat di Pangeran, anu urang

Kadang terang duapuluh hanteu kirang

 

4. Hiji Wujud hartina aya Pangeran

Hanteu aya eta jadi lalawanan

Dua Qidam aya taya mimitina

Mohal anyar aya mimiti wujudna

 

5. Tilu Baqo hartina langgeng teu samar

Mustahilna ruksak caranu anyar

Opat  Mukhofafah yane/nyaeta beda-beda

Jeung makhlukna mohal hanteu beda-beda

 

6. Lima Binafsihi Ta'ala Qiyamuhu

Allah jumeneng ku anjeun mohal butuh

Genep Wahdaniat hartina sahiji

Mohal Allah bingbilangan Maha Suci

 

7. Tujuh Qudrot hartina Allah kawasa

Mohal apes yane mohal hanteu bisa

Kadalapan Irodat yane kersa

Mohal Gusti Allah damelna kapaksa

 

8. Kasalapan Ilmu hartina uninga

Mohal bodo kana sagala damelna

Kasapuluh sipat Hayat yane hirup

Mohal maot eta sipat hanteu surup

 

9. Kasabelas Sama ngarungu hartina

Mohal torek kana sagala damelna

Duabelas Bashor hartina ningali

Mohal lolong yane mohal buta tuli

 

10. Tilu welas sipat Kalam sasauran

Mohal pere sabab eta kakurangan

Opat welas Qodiron anu kawasa

Mohal apes yane mohal teu tiasa

 

11. Lima welas Muridan anu keresa

Mohal Gusti ALLAH eta nu kapaksa

Genepwelas Aliman anu uninga

Mohal Gusti Allah eta teu uninga

 

12. Tujuh welas Qoyum Allah anu hirup

Mohal Allah anu maot hanteu surup

Kadalapan welas Sami'an hartina

Nu ngarungu mohal lalawananana

 

13. Kasalapan welas Basiron hartina

Nu ningali mohal lalawananana

Mutakalimun sipat kadua pululma

Anu sasauran mohal nu pireuna

 

14. Ari dalil kana sipat anu tadi

Aya ieu bumi alam nu peryogi

Ari sipat anu parantos kasebat

Eta babagianana aya opat

 

15. Hiji wujud disebat sipat nafsiah

Ari nu lima sabadana salbiah

Qidam baqo sareng sipat mkholafah

Qiyamuhu binafsihi wahdaniyah

 

16. Kudrat iradat ilmu jeung sipat hayat

Saman basar kalam ma'ani kasebat

Sareng anu tujuh panuntungaanana

Eta sipat manawiyah kasebatna

 

17. Nya eta qodiron muridan 'alimun

Hayun samiun basirun mutakalimun

Ari sipat anu wenang di Pangeran

Damel mungkin atawa teu ngadamel

 

18. Maha Wenang damel ieu kaayaan

Geura ieu sapalihna ditataan

Ngaluhurkeun ngahandapkeun hiji abdi

Ngadamel pinter sareng bodo ti abdi

 

19. Ngabeungharkeun nu malarat sabalikna

Nu malarat didamel jadi beungharna

Ari sipat nu wajib di Parosul

Eta opat coba pikir ulah kedul

 

20. Hiji Sidik yane Rosul wajib bener

Mohal bohong sabab eta sipat jembar

Kaduana sipat Amanat hartina

Kapercaya mohal ngarempak cegahna

 

21. Katiluna sipat Tablig ngadatangkeun

Parentahan Allah mohal disumputkeun

Kaopatna Fatonah hartina pinter

Mohal eleh hujal kanu palalinter

 

22. Ari sipat anu wenang di sadaya

Para rosul ngan sahiji teu sulaya

Nya eta sipat bangsa kamanusan

Anu hanteu mantak kurang kapangkatan

 

23. Kaya dahar leueut sareng jual beuli

Panas tiris suka bungah laki rabi

Hanteu meunang di parosul sakit edan

Sareng sakur kakurangan torek lolong

 

24. Wajib deui urang nekat satemenna

Hanteu aya mahluk anu pangmulyana

Pang-agungna sajabi kakasih Allah

Kangjeng Nabi Muhammad putra Abdullah

 

25. Ari kakasihna ibuna Aminah

Dipedalkeunana di Nagara Mekah

Teras jeneng rosul di Negara Mekah

Teras ngalih ka Madinah Munawaroh

 

26. Teras pupus di Madinah Negri Mulya

Dipendemna di Madinah teu sulaya

Puputrana tujuh kaol pangsohehna

Sayid Qosim eta putra pangpayunna

 

27. Dua Siti Zaenab katilu Rokayah

Opat putra kameumeut Siti Fatimah

Kalima Ummu Kulsum kagenep Abdullah

Sareng Sayid Ibrahim putra katujuh

 

28. Rohmat Allah sareng salam nu utami

Muga-tetep dipanutan jisim abdi

Kangjeng Nabi Muhammad anu kagungan

Sapaat anu Agung taya nu ngungkulan

 

29. Hai panutan jisim abdi muga Gusti

Hanteu lali nyapaatan ka sim abdi

Sareng ka pun indung bapa abdi

Sareng sadaya sanak kulawargi

PUPUJIAN NADOMAN SUNDA - ELING ELING DULUR KABEH

PUPUJIAN NADOMAN SUNDA - ELING ELING DULUR KABEH

ELING ELING DULUR KABEH

IBADAH ULAH CAMPOLEH

BEURANG PEUTING ULAH WELÉH

BISINA KABURU PAEH

SABAB URANG BAKAL MATI

NYAWA DIPUNDUT KU GUSTI

MATAK KUDU ATI-ATI

KANA IBADAH SING GUMATI

HORENG MAOT NGADODOHO

BORO SOK DIPOHO-POHO

DATANGNA TEU MERE NYAHO

NGADADAK TEU AYA TEMPO

TAYA BEURANG TAYA PEUTING

TAYA RAJA TAYA KURING

DIMANA AJAL GEUS SUMPING

TEU MEUNANG TEMPO ANAKING

#PUPUJIAN #SUNDA #BAHEULA

Perlengkapan Rumah - Perawatan & Kecantikan - Buku & Alat Tulis  - Kesehatan - Pakaian Wanita

--------------------------------------------------------------

Women Clothes - Food & Beverages - Men Bags 

Mom & Baby - Sports & Outdoor - Automotive

Computer & Accessories - Health - Mobile & Accessories

Muslim Fashion - Women Bags - Watches 

Beauty & Care - Men Clothes - Women Shoes

Photography - Men Shoes - Baby & Kids Fashion - 

Stationery & Books

-------------------------------------------------------------

Nadom Bahasa Sunda Detik Detik Wafatnya Rosulullah SAW Part 3

Nadom Bahasa Sunda Detik Detik Wafatnya Rosulullah SAW Part 3

Nadom Bahasa Sunda Detik Detik Wafatnya Rosulullah Muhammad SAW Part 3

Duka itu menyelimuti umat Islam di Madinah pada Senin 12 Rabiul Awwal tahun 11 Hijriyah atau 8 Juni 632 Masehi, kurang lebih 1.387 tahun yang lalu.

Tonton Juga Part 1 & 2

Part 1

Part 2

Perlengkapan Rumah - Perawatan & Kecantikan - Buku & Alat Tulis  - Kesehatan - Pakaian Wanita

--------------------------------------------------------------

Women Clothes - Food & Beverages - Men Bags 

Mom & Baby - Sports & Outdoor - Automotive

Computer & Accessories - Health - Mobile & Accessories

Muslim Fashion - Women Bags - Watches 

Beauty & Care - Men Clothes - Women Shoes

Photography - Men Shoes - Baby & Kids Fashion - 

Stationery & Books

-------------------------------------------------------------

Nadom Bahasa Sunda Detik Detik Wafatnya Rosulullah SAW Part 2

--------------------------------------------------------------
Women Clothes - Food & Beverages - Men Bags 
Mom & Baby - Sports & Outdoor - Automotive
Computer & Accessories - Health - Mobile & Accessories
Muslim Fashion - Women Bags - Watches 
Beauty & Care - Men Clothes - Women Shoes
Photography - Men Shoes - Baby & Kids Fashion - 
Stationery & Books
-------------------------------------------------------------

Nadom Bahasa Sunda Detik-Detik Wafatnya Rosulullah SAW Part 1

Nadzom detik-detik wafatnya Rosullullah Bismilah abdi ngawitan Meudal riwayat panutan Waktos nabi bade mulih Ti dunia ka rahmatullah Rahmat salam kapanutan Anu asih anu heman Ka umatna anu iman Jenengan nabi ti payun Nabi muhammad panutan Janteun utusan pangeran Di dameul pangkat habiban Nadom riwayat panutan Waktos nabi bade ngantunkeun Gera mangga darangukeun Mugi wabihi nasta’in Ya rosullullah panutan Waktos nabi bade mulih Ti dunia ka rahmatullah Kawitna tedamang payah Sumping panyawatna subuh Shohabat pada narangis Abu bakar, umar utsman nangis Nalangsa jeung melas meulis Tangtuna bakal tunggeulis Ali sareng hasan husein Nangisna nalangsa pisan Geutir nalangsa prihatin Ku eyang bade dikantun Sofiyah jeung maemunah Aisyah sareng fatimah Pada narangis teu geunah Ningali rama tos ripuh Lajeung kanjeng nabi mulih Ti masjid semu ngereyeuh Dituntun ku maemunah Margi panyawat tos payah Gusti allah miwarangan Ku jibro’il direncangan Ka alam dunia tumurun Ka kanjeng nabi neupangan Angkat sapada harita Malakal maut rencangna Dipiwarang nyabut nyawa Ku gustiallah nu mulya Malaikat dua makbul Sumping ka bumina rosul Lajeung ngaos uluk salam Di jawab ku salam ta’dim Ya rosulullah mustika Alaikum salam wattaqwa Ijli hada fil baiti Saderek-saderek abdi Gusti rosul nyaur deui Ka malak jibril nu murni

Bari naros saha eta nu dicandak ku andika yeu malakal maut tea

utusan allah nu mulya naha rek naon maksudna ku kaula teu kasangka

naha maksud erek nyaba atawa rek nyabut nyawa ?

Malakl maut haturan seuja ngalayad panutan sareng kaulateh seja utusan allah nu mulya

Dipiwarang nyabut nyawa ka anjen nabi nu mulya

Malaikat nu dua nyaur ka nabi nu mulya

Ieu haturan ayatna ana fi mayyitin’tsumma

Iinnakum yaumal qiyamah ta’tasimuna minallah

Tigusti allah nu mulya di ngaos ku rosul nyata

Gusti rosul teras nangis matak nalangsa jeung waas

Saparantos ngaos anak uninga yen bakal maot ku malaikat ditaros naha

geuning gusti nangis?

Gusti ulah melas meulis da parantos titis tulis.

--------------------------------------------------------------

Women Clothes - Food & Beverages - Men Bags 

Mom & Baby - Sports & Outdoor - Automotive

Computer & Accessories - Health - Mobile & Accessories

Muslim Fashion - Women Bags - Watches 

Beauty & Care - Men Clothes - Women Shoes

Photography - Men Shoes - Baby & Kids Fashion - 

Stationery & Books

-------------------------------------------------------------

Sholawat Nuril Anwar - Dari Mama Imas

Sholawat Nuril Anwar

Bismillahirrahmanirrahim

Allahumma sholli ‘ala nuril anwar 

wa sirril asrar wa tiryaqil aghyar 

wa miftahi babil yasar 

sayyidina muhammadinil mukhtar 

wa alihil ath-har wa ash-habihil akhyar 

‘adada ni’amillahi wa ifdhalih.

“Ya Allah, limpahkanlah salawat atas cahaya di antara segala cahaya, rahasia di antara segala rahasia, penawar duka dan pembuka pintu kemudahan, junjungan kita Nabi Muhammad, manusia pilihan, juga kepada keluarganya yang suci dan sahabatnya yang baik, sebanyak jumlah kenikmatan Allah dan karuniaNya.”

--------------------------------------------------------------

Women Clothes - Food & Beverages - Men Bags 

Mom & Baby - Sports & Outdoor - Automotive

Computer & Accessories - Health - Mobile & Accessories

Muslim Fashion - Women Bags - Watches 

Beauty & Care - Men Clothes - Women Shoes

Photography - Men Shoes - Baby & Kids Fashion - 

Stationery & Books

-------------------------------------------------------------

Nadoman Pupujian Sholawat Basa Sunda Alam Dunya

Nadoman Pupujian Sholawat Basa Sunda Alam Dunya

Alam dunya geus paciweuh Bencana datang ngeureuyeuh Nu ma'siat beuki maceuh Nu ibadah beuki euweuh Alam dunya beuki keu'eung Loba jalma nu malaweung Nu doraka beuki anteng Kana ibadah teu mayeng Alam dunya beuki ruksak Nu doraka pabalatak Pamarentah geus teu mihak Ka umat islam geus nincak Alam dunya geus pakewuh Ku bencana angin puyuh Loba tangkal anu rubuh Katut imah ge raruntuh Alam dunya beuki ancur Jalma jalma geus lalacur Silih hewa'an jeung dulur Poho kana alam kubur Alam dunya beuki poek Geus loba jalma nu fasek Umat islam silih ledek Ka ulama wani ngadek Alam dunya beuki angar Loba jalma anu sasar Kana takdir geus teu sadar Ma'siat di anggap wajar Alam dunya geus teu ca'ang Loba beja anu mang mang Ngabohong geus teu kapalang Berita geus nyararimpang Alam dunya geus teu angger Loba jalma anu lieur Ka pasantren beuki mindeur Kana solat ngabalieur Dunya geus tereh qiamat Hayu gancang geura tobat Geura jauhan ma'siat Meh bagja dunya aherat

Cari Semua Kebutuhan Kamu Di Sini

--------------------------------------------------------------

Women Clothes - Food & Beverages - Men Bags 

Mom & Baby - Sports & Outdoor - Automotive

Computer & Accessories - Health - Mobile & Accessories

Muslim Fashion - Women Bags - Watches 

Beauty & Care - Men Clothes - Women Shoes

Photography - Men Shoes - Baby & Kids Fashion - 

Stationery & Books

-------------------------------------------------------------

Nadoman Sunda Hayu Geura Saradia

Nadoman Sunda Hayu Geura Saradia

1) Hayu geura saradia
Meungpeung keur hirup di dunya
Amal keur sampeureun tea
Di ahir moal sulaya

2) Geuning maot ngadodoho
Boro sok dipoho-poho
Datangna teu mere nyaho
Ngageretek taya tempo

3) Taya beurang taya peuting
Taya raja taya kuring
Di mana ajal geus sumping
Teu meunang embung anaking

4) Horeng nyawa eujeung badan
Nu geus lila babarengan
Datang mangsa dipisahan
Paturay tineung amitan

5) Lain meureun lain sugan
Da ieu mah kanyataan
Kabeh pasti ngarandapan
Geuning awak urang pisan

6) Kaget reuwas mata mencrong
Renghap ranjug munggah bengong
Napas ngangseg na genggerong
Nu deukeut geus teu katembong

7) Horeng ieu teh sakarat
Dicabut ku Malaikat
Nyawa ngangseg mapay urat
Teu aya daya keur lumpat

8) Ku renghap nu panganggeusan
Pegat sakabeh harepan
Nabengkang taya dayaan
Rek kumaha pangharepan

9) Boro mah keur suka bungah
Ngatur napsu seuri bungah
Beak tempo kudu pindah
Nyampeurkeun ka alam Barjah

10) Geus waktu ninggalkeun lembur
Menuju ka alam kubur
Meunang ngali geus diukur
Mahi keur awak sakujur

11) Rek naon anu di bawa
Duit atawa sawah lega
Meunang ngumpul-ngumpul tea
Belaan nipu pasea

12) Meunang tisusruk tidungdung
Nu sok dipake adigung
Kana salat matak liwung
Waktuna jakat mah embung

13) Ibadah kateler-teler
Nepi ka nyanghulu ngaler
Lapur badan enggeus komper
Di tengah imah ngagoler

14) Ngajolopong diruruban
Diriung ditarungguan
Geumpeur pacampur jeung waas
Setan mah bati mupuas

15) Harta anu ngunung-ngunung
Pakean duit satangtung
Ngan masih boeh asiwung
Ditambah kai keur padung

16) Lawang amal geus ditutup
Hanjakal keur waktu hirup
Talangke bet hanteu sanggup
Padahal waktu mah cukup

17) Paingan Rosul ngelingan
Dunya mah pangumbaraan
Naha bet kamalinaan
Tonggoy hanteu nyubadanan

18) Ati ngerik pikir liwung
Imah tiiseun jeung suwung
Ngan anak yatim buraung
Tinggarisik tingrariung

19) Abong poe panganggeusan
Mana beurat rek amitan
Keun imah keun pakarangan
Geuwatkeun logak ngantosan

20) Pasaran mendung dipayung
Ti luhur dirurub sarung
Nu ngiringna semu nguyung
Nangkeup dada tingkuyungkung

21) Ngaleut ngeungkeuy ngabandaleut
Beuki deukeut beuki deukeut
Beuki deukeut beuki deukeut
Kana logak rupek heureut

22) Duh geuning enggeus nyangkorah
Rup ku padung rap ku lemah
Poek rupek jeung tugenah
Ngarumas cukireuh susah

23) Ahli sobat kawawuhan
Teu tolih gancang bubaran
Duh saha nu rek maturan
Geusan cicing babarengan

24) Mana sobat mana dulur
Geuning buriak ka lembur
Hanteu maturan di kubur
Sumawon nambahan umur

25) Oge harta banda kuring
Nu dipuhit beurang peuting
Cik mana anu rek ngaping
Geuning geus kieu mah kuiring

26) Hanjakal aduh hanjakal
Teu getol sadia amal
Padahal geuning padahal
Ngan amal nu jadi bekel

27) Naon keur panyinglar sedih
Nahan ku cimata getih
Tawa bangkieung jungkelih
Harta mah geuning teu nolih

28) Enggeus montong rek sasambat
Teu guna enggeus kaliwat
Bongan bareto teu toat
Teu kurang nu nganasehat

29) Tong hantem hahanjakalan
Pan teu kurang nu ngelingan
Pek tunggu jawab sorangan
Geura jawab pariksana

30) Peremutan parantosan
Mangga geura aremutan
Sugan manawi jeung sugan
Ngajadi kamaslahatan

31) Ku maca ieu pepeling
Muga sing jadi panggeuing
Da Gusti anu ngajaring
Siang jeung wengi diaping

Terjemahan

1) Marilah bersiap-siap
Selagi kita hidup di dunia
Amal untuk hari nanti
Pasti tak akan sia-sia

2) Maut selalu mengintai
Sedangkan biasa dilupakan
Bila datang tak memberi tahu
Tiba-tiba tak memberi tempo

3) Tidak siang tidak malam
Tak memilih raja maupun rakyat
Bilamana maut itu datang
Tidak bisa ampun ya anakku

4) Nyawa dan badan itu
Sejak lama bersama-sama
Datanglah saatnya untuk berpisah
Menyampaikan selamat berpisah

5) Bukanlah apa-apa
Sebab ini adalah kenyataan
Kita semua pasti mengalami
Dan kini kita sendiri mengalami

6) Kaget dan terkejut mata memandang
Napas tersendat-sendat dan bingung
Napas memburu di tenggorokkan
Yang dekat sudah tak kelihatan lagi

7) Inilah sekarat itu
Yang dicabut oleh malaikat
Nyawa mendesak sepanjang otot-otot
Untuk lari pun tak berdaya

8) Dengan napas yang terakhir
Putuslah semua harapan
Menggeletak tak berdaya
Apa pula yang diharapkan

9) Sedangkan sedang bersukaria
Senang-senang tertawa riang
Habis waktunya dan harus pindah
Menghampiri alam kubur

10) Sampai waktunya harus meninggalkan semua
Menuju ke alam kubur
Sudah digali dan sudah diukur
Cukup untuk badan sendiri

1 1) Apa yang akan dibawa
uang atau sawah yang luas
Yang dapat dikumpulkan itu
Sampai berbuat penipuan dan pertengkaran

12) Hasil dari jerih payah
Yang dipakai kesombongan
Sampai salat pun diabaikan
Membayar zakat pun tidak mau

13) Ibadah tersia-sia
Sampai waktunya meninggal
jasmani sendiri sudah tak berdaya
Menggeletak di tengah rumah

14) Menggeletak dan ditutup
Dikerumuni dan ditunggui
Gentar bercampur haru
Setan juga yang mencemoohkan

15) Kekayaan yang bertumpuk itu
Pakaian dan uang yang banyak
Hanya kafan dan asiwunglah yang ada
Ditambab kayu untuk padung

16) Pintu amal sudah tertutup
Menyesal semasa masih hidup
Lalai dan tiada kesanggupan
Padahal waktu sangat cukup

17) Pantas sekali Rosul memberi peringatan
Dunia ini hanya tempat mengembara
Mengapa menyia-nyiakan waktu
Tidak menjalankan ibadah

18) Hati sedih dan kebingungan
Rumah sepi dan kosong
Tinggal anak yatim yang kebingungan
Berkumpul menahan sedih

19) Karena hari terakhir
Sangat berat untuk minta diri
Rumah dan pekarangan ditinggalkan
Cepat-cepat liang lahat sudah menanti

20) Usungan mayat dipayungi
atasnya ditutupi kain
Yang mengantar semua sedih
Tangan di dada menahan bingung

21) Iringan beriring-iring
Makin lama makin dekat
Makin lama makin dekat
Kepada lubang lahat yang sempit

22) Aduh sudah dibaringkan
Padung dipasang tanah pun menguruknya
Gelap dan sempit hati kuatir
Tak enak dan susah bertubi-buti

23) Semua kerabat dan handaitaulan
Tak mengindahkan lagi terus bubar
Jadi siapa yang akan menyertai
Untuk bersama-sama tinggal

24) Mana itu sahabat dan saudara
Semua pulang ke kampung
Tidak menyertai di dalam kubur
Apalagi menambah umur

25) Segala kekayaanku
Yang dipuja siang dan malam
Mana yang akan membantu
Setelah aku jadi begini

26) Sayang sekali aduh sayang
Tidak giat menyediakan amal
Padahal ternyata
Hanya amallah yang menjadi bekal

27) Apa penghilang kesedihan
Menahan dengan air mata darah
Seluruh badan kaku
Harta kekayaan itu tidak menolong

28) Sudahlah jangan menyesali
Tak berguna karena sudah lalu
Salahmu sendiri dahulu tidak taat
Tak kurang-kurang yang menasihati

29) Tak perlu lagi menyesali diri
Tak kurang-kurang peringatan
Tunggulah dan jawablah sendiri
Jawablah semua pertanyaannya

30) Peringatan telah selesai
Silahkan untuk dipikirkan
Mudah-mudahan saja
Menjadi manfaat adanya

31) Dengan membaca nasihat ini
Mudah-mudahan menjadi peringatan
Hanya Tuhanlah yang menyelamatkan
Yang menjaga siang dan malam

Cari Semua Kebutuhan Kamu Di Sini

--------------------------------------------------------------

Women Clothes - Food & Beverages - Men Bags 

Mom & Baby - Sports & Outdoor - Automotive

Computer & Accessories - Health - Mobile & Accessories

Muslim Fashion - Women Bags - Watches 

Beauty & Care - Men Clothes - Women Shoes

Photography - Men Shoes - Baby & Kids Fashion - 

Stationery & Books

-------------------------------------------------------------

Nadoman Sunda Tarikh Nabi Muhammad Saw

Nadoman Sunda Tarikh Nabi Muhammad Saw

1) Bismillah abdi ngawitan
Sugrining puji sebutan
Hak Alloh nu ngarawatan
Rohmat salam ka panutan

2) leu maksad nu dipedar
Riwayat Nabi Almukhtar
Rosul panutup kawentar
Muhammad Habibul Goffar

3) Tipayun bade nerangkeun
Nasabna diperelekeun
Nu wajib dikanyahokeun
Ku umatna nu ngimankeun

4) Ramana Sayyid Abdulloh
Bin Sayyid Abdul Mutollib
Bin Hasim bin Abdi Manaf
Ibnu Qusoy putra Kilab

5) Ibuna Siti Aminah
Putra Wahab deuheus keneh
Bin abdi Manaf bin Zuhroh
Putra Kilab nu cikeneh

6) Putra Muroh putra Ka'ab
Putra Luay putra Golib
Putra Fihir putra Malik
Putra Nador Kinanah

7) Bin Chuzaimah bin Mudrikah
Ibnu Ilyas putra Mudor
Putra Nizar putra Ma'ad
Bin Adnan terah Ibrohim

8) Dibabarkeun di Mekkah
Wengi Senen taun Gajah
Rabi'ul awwal bulanna
Tanggal kadua belasna

9) Bulan Masehina puguh
April tanggal dua puluh
Taunna ge henteu ewuh
Lima ratus tujuh puluh

10) Rama kangjeng Nabi ngantunkeun
Waktos Nabi dibobotkeun
Di Abwa kacarioskeun
Nya didinya dimakamkeun

11) Nu ngurusan murangkalih
Kawit ku siti Aminah
Ku Suwaibah Aslamyyah
Teras ku Siti Halimah

12) Dina yuswa lima taun
Sareng yuswa genep taun
Aya dipangkon ibuna
Dicandak jarah lajengna

13) Ka Madinah dicandakna
Bani Najjar karuhunna
Ti jihat rama nasabna
Bari nadran ka ramana

14) Kenging sasasih lamina
Disambut kabina bina
Ku sadaya pamilina
Pada ngaraos lugina

15) Kocap dina waktos mulang
Di Abwa ibuna lanjung
Teras anjeuna dipayang
Dilandongan digugulung

16) Namung panyawatna parna
Teu aya pisan sudana
Malah dugi ka ajalna
Ibuna pupus didinya

17) Kangjeng Nabi teu aya Ibuna
Nalangsa kabina bina
Rama tipayun ngantunna
Tambih ku ibu ayeuna

18) Dawuhan Ummu Aiman
Amatna nu banget heman
Mangga ujang disarengan
Mulih ka eyang nepangan

19) Abdul Mutholib kagagas
Sumping putuna ngahelas
Kangjeng Nabi dirangkul teras
Bari murubut citangis

20) Calikna di kangjeng eyang
Dua taun kirang langkung
Kalayan kodar yang Agung
Teras pupus kangjeng eyang

21) Harita Nabi yuswana
Nuju dalapan taunna
Nya dirawat ku uana
Abu Tolib kakasihna

22) Ari kaayaan sepuh
nya kaetang kirang mampuh
pikeun ngabantuan sepuh
kangjeng Nabi ngangon buburuh

23) Nabi ayeuna di ua
teu pisan aya kuciwa
barang geus ampir sawawa
dua belas taun yuswa

24) Ku ua di candak dagang
ka Nagri Syam dayeuh anggang
di palebah tanah Busro
katingal ku Buchairo

25) Hiji pandita Nasoro
elmuna seueur tur jero
ku anjeunna sidik atra
ciciren Nabi katara

26) Teras anjeuna nasehat
aranjeun dagang tong kebat
di jdan loba nu megat
nu hianat maksud jahat

27) Abu Tolib enggal mangkat
bener eta teh mupakat
ka Mekkah mulihna kebat
berkah di jalan salamet

28) Adat istiadat kangjeng
unggal saat lucu majeng
tara sungkan talang tulung
sumawonten kanu bingung

29) Sareng tara humaregung
nyebat lapar komo pantrang
tebih tina linyok bohong
banget isin ku yang Agung

30) Adeg salirana necis
cahyana gumilang manis
damisna lir kembang eros
waosna bodas ngaberes

31) Mun mesem lir inten jamrut
na baham cahya murubut
ngahudang naik pangirut
abong enya candra mawat

32) Kacatur waktos harita
Abu Tolib sisa harta
teras ka Kangjeng nyarita
ayeuna kumaha peta

33) Kapan ua teh geus kolot
ua istri ge geus peot
kumaha mun ua maot
ujang saha nu ngarawat

34) Jeung ujang teh geus sawawa
meujeuhna kagungan garwa
ngan ua sanajan doa
tapi naon nu dibawa

35) Kangjeng Nabi tungkul ngeluk
cisoca rambisak cipruk
ras emut ka ibu rama
kabayang ku jiwa sukma

36) Kocap di nagara Mekkah
aya hiji istri berkah
leur menak hartawan rongkah
kawuwuh ampuh jeung timpuh

37) Geulis rupi hade manah
balaba nyaah ka semah
mustika istri di Mekkah
jenengan Siti Chodijah

38) Kacaturkeun Gusti Rosul
ka Siti Chodijah usul
manawi kabiruyungan
rek ngayuh barang dagangan

39) Enggalna Gusti Rosul teh
dagang ka Syam nagri jauh
dagangna teu wudu payu
batina mang rebu-rebu

40) Siti Chodijah kataji
ku kangjeng Nabi nu pinuji
sarta manahna teu tahan
wakca kedal kawalahan

41) Ka Nabi mundut ditikah
keukeuh sarta pasrah lillah
pasrah harta pasrah raga
mangga teu ngaboga boga

42) Sarengsena akad nikah
teras ngayakeun walimah
ti langit aya soara
saolah-olah bewara

43) Nikahna istri nu surti
ka pemeget anu suci
nu sami budiman harti
sarta karidoan Gusti

44) Dina yuswa tilu puluh
kajadian Ka'bah rubuh
lajeng kaom gotong royong
ngaradegkeun pada hoyong

45) Ngan hanjakal aya cacad
dina masang Hajar Aswad
kaom-kaom wilih cawad
parasea sili cempad

46) Teras ku Kangjeng diputus
kabeh rido sarta lulus
kangjeng Nabi gelar Al-Amin
ku kaomna ditibanan

47) Dina yuswa opat puluh
kangjeng langkung-langkung ampuh
jeung sering mendak nu aneh
hauf suara alebreh

48) Totonden jalmi sinelir
karesep nyingkur tapakur
neuteup gunung balulistir
ngalugay pepeteng dohir

49) Tengah peuting jemplang-jempling
nyacat saga lungkawing
angin tiis ngadalingding
katingal bentang baranang

50) Tilu mil ti kota Mekkah
kencaeun jalan ka Arfah
aya jabar Nur merenah
guha Hiro nu katelah

51) Kangjeng Nabi didinya nyepi
teras wahyu katampi
tanggal tujuh belas romdon
Surat Iqro nu ngawitan

52) Sedengkeun jalma di Arab
harita keur campuh nyasab
jol wahyu asa direrab
rasana dibawa nyasab

53) Dina lebet tilu taun
Islam teh majuna laun
da'wahna susulumputan
dapuguh seueur cegatan

54) Anu pangheulana iman
Chodijah istri budiman
teras Ali putra paman
Sayyid Abu Bakar Usman

55) Abdurohman, Sa-id Zuber
Ubaidah sareng Jafar
salajengna teras ngabrul
nu ariman ngaburudul

56) Ku sueurna anu Iman
Musrikin rasa teu aman
jol fitnah reujeung rintangan
jeung pirang-pirang ancaman

57) Taun lima kanabian
pirang pirang kajadian
mangrupa-rupa ujian
ka Nabi jeung ka Mu'minin

58) Serangan musrikin hebat
majeng henteu pegat-pegat
mu'min seueur nu teu kiat
dugi ka seueur nu maot


59) Kangjeng Nabi miwarang hijrah
ngungsi ka Nagara Habsyah
muslimin nungtut parindah
ngarantunkeun Nagri Mekkah

60) Langkung ti dalapan puluh
jaler istri anom sepuh
sayuid Usman sobat pengkuh
nyandak garwa najan ripuh

61) Muslimin ngarasa ewuh
nandangan bancang pakewuh
unggal dinten tambah meuweuh
mingkin sengit henteu reureuh

62) Kangjeng Nabi lajeng munajat
ka hadrot nu murbeng jagat
mugi-Islam diperkuat
kalawan kurnia hadrot

63) Sayyid Umar sareng Hamzah
lalebet Islam sumerah
atuh musrikin marundah
amarahna tambah rongkah

64) Kangjeng Nabi sareng sohabat
kantos ngalaman dibekot
malah kungsi diasingkeun
disingkirkeun dihinakeun

65) Taun tujuh kanabian
hijrah ngadua kalian
ka Habsyah sablas wanita
tujuh puluh tilu pria

66) Musrikin Mekah ngadongsok
Raja Habsyi rek disogok
asal muslimin pulangkeun
tapi Raja teu keresaeun

67) Dina taun ka sapuluh
Abu Tolib anu teguh
ua anu banget nyaah
nya mulih ka Rohmatulloh

68) Heuleut sawatara dinten
teu acan oge sebulan
Siti Chodijah garwana
pupus ngantun carogena

69) Istri nu banget bumela
kumereb teu ngijing sila
istri tukang ngabeberah
mun kangjeng Nabi nuju sesat

70) Ku pupusna anu dua
anu belana sarua
kangjeng Nabi ngangiuh sungkawa
sumpeg manah teu kawawa

71) Malah nelah taun huzun
tegesna taun prihatin
taun giung sedih kingkin
ujian lahir jeung batin

72) Nurustunjung nu musrikin
talajakna ebreh yakin
istuning merajalela
jongjon euweuh nu ngabela

73) Ceuk pikirna lakadala
ayeuna Muhammad bahla
malah geus pada sawala
Muhammad rek dipahala

74) Geusan ihtiar tarekah
kangjeng Nabi ka Toip hijrah
sareng Zaed bin Harisah
sakantenan bari da'wah

75) Tapi ieu oge gagal
urang Toip teh naragal
malah nenggoran ku batu
kangjeng Nabi dugi katatu

76) Teras kangjeng Nabi angkat
bari ka Alloh munajat
duh Gusti mugi nuduhkeun
ummat abdi teu terangeun

77) Taun sablas kanabian
Isro Mi'raj kajadian
Rajab malem tujuh likur
mungguh kaol anu mashur

78) Isro Mi'raj disambutna
ku kaom teh warna-warna
ay a anu nyebut sasar
aya anu nyebut sihir

79) Aya anu hemar hemir
rek percaya tapi samar
Abu Bakar mah teu nampik
nya digelaran Assidik

80) Di Mekkah jadi tagiwur
Islam jalanna teu lancar
nu puguh mah matak paur
ancaman ti kaom kufur

81) Kalayan kurnia Alloh
Islam kedah sumarambah
sumping tamu ti Madinah
ti Bani Chojroy kobilah

82) Genepan ngamaksad jarah
ngadeuheus ka Rosululloh
teras maraca sahadat
sarengsena mulih geuwat

83) Islam di Madinah jalan
ku jasana nu genepan
malah ngutus deui jalmi
dua belas nu utami

84) Teras ku Nabi dibe'at
di Aqobah ngaran tempat
ngayakeun jangji nu hebat
nganggo sumpah mabrih kuat

85) Taun dualas Nubuwwah
sumping deui ti Madinah
tujuh puluh lima jumlah
beat deui di Aqobah

86) Ku Musrikin kanyahoan
urang Madinah ariman
atuh musrikin ambekna
hebat lain dikieuna

87) Kapaksa sohabat pindah
narungtutan ka Madinah
kantun Ali Abu Bakar
sareng Nabi tacan jengkar

88) Abu Bakar mahabbahna
ka Nabi kabina-bina
leuwih ka kulawargana
malah leuwih kadirina

89) Saba'da Chodijah nilar
nikah putra Abu Bakar
ka siti Aisyah tea
geusan ngokohkeun baraya

90) Taun dua las nubuwwah
kagentingan tambah meuweuh
sumping wahyu kedah ngalih
hijrah ka nagri Madinah

91) Abu Bakar didamian
pikeun ngatur perjalanan
onta jeung nu tuduh jalan
kitu deui bebekelan

92) Nabi angkatna janari
ngalangkungan nu sarare
padahal eta teh musuh
nu maregat rek ngabunuh

93) Isukna musuh galuyur
nu diantos teh geus lungsur
ngan kari Ali sorangan
musuh ribut nareangan

94) Kangjeng sareng Abu Bakar
nyararumput di guha Tsur
Abu Bakar banget paur
ngadangu musuh di luar

95) Tapi musuh henteu nyangka
Nabi nyumput jero guha
sanggeus tilu dinten nyumput
ka Madinah teras angkat

96) Henteu kocap di jalanna
dugi ka Quba angkatna
tilu mil deui ka tepi
Amar bin Auf nu nampi

97) Kangjeng Nabi didinya liren
kenging opat belas dinten
teras nyebarkeun agama
disambut ku jalma-jalma

98) Malah didinya ngadegkeun
masjid digotong royongkeun
nu kaitung pangpayunna
masjid Attaqwa ngarana

99) Dua belas Mulud cenah
Nabi sumping ka Madinah
disambutna estu hebat
dipestakeun dihalormat

100) Didinya terus ngadegkeun
masjid digotong royongkeun
sarta pohara gedena
masjid Nabawi nelahna

101) Muhajir anu ti Mekkah
sareng Ansor ti Madinah
ku kangjeng Nabi dihijikeun
diatur disaluyukeun

102) Yahudi teh di Madinah
mangpirang-pirang kobilah
ku kangjeng Nabi diakuran
diayakeun pangaturan

103) Di Madinah Islam jaya
aman teu loba bahaya
akur campur loba dulur
gemah ripah subur ma'mur

104) Tapi aya-aya bae
sanajan aturan sae
aya nu Islamna palsu
nu munafiq cara asu

105) Nu dipimpin ku Abdulloh
bin Ubay si la'natulloh
Yahudi jeung munafiqin
ngarasut ngabaruntakeun

106) Hubungan musrik Mekkah
nu keur hurung napsu rongkah
nu mobok manggih gorowong
maksudna asa kasorong

107) Sanggeus ayat perang turun
tina hijrah dua taun
Nabi ka sohabat miwarang
hayu urang maju perang

108) Abu Jahal mimpin Qures
sarebu leuwih ngabaris
muslimin mah ngan ngadalis
tilu ratus tilu belas

109) Di Badar der campuh perang
sili panah ting salemprung
sili tumbak sili gobang
sili gada sili pentung

110) Nu taratu ting garerung
ting koceak menta tulung
malah loba anu gugur
nu borangan mah kalabur

111) Anu tiwas ti musrikin
tujuh puluh anu yakin
Abu Jahal ge kasambut
nyawana beres paragat

112) Ti muslimin opat belas
nu sahid nu pada ihlas
mulangna ka Rohmatulloh
meunang jaminan ti Alloh

113) Taun tilu tina hijrah
perang Uhud nu katelah
ieu ge Alhamduhllah
kaum musrikin nu kalah

1 14) Taun hijrah ka limana
perang Chondaq nu jadina
nu kamashur perang Ahzab
riwayatna dina kitab

115) Taun genep tina hijrah
Nabi jeung sohabat ka Mekkah
sarebu pat ratus jumlah
bade haji sareng umrah

116) Barang dugi tepis wiring
ka Nabi aya salenting
urang Mekkah rek ngahalang
meureun ngarasa hariwang

117) Nya ngayakeun musawarah
kangjeng sareng urang Mekkah
di palebah Hudebiyyah
hasil runding kieu cenah

118) Hiji moal peperangan
dijero sapuluh taun
kadua taun ieu mah
tong tulus jarah ka Mekkah

119) Sareng seueur-seueur deui
henteu disebat didieu
enggal kangjeng Nabi mulang
sareng sohabat ngalabring

120) Sasumpingna ka Madinah
Nabi da'wah kanu jauh
nganggo perantara surat
ka para raja jeung pangkat

121) Warna-warna anu nyambut
aya nu iman nu nurut
aya nu ambek berengut
aya anu ngajak gelut

122) Taun tujuh Zul Qoidah
Nabi jeung sohabat ka Mekkah
dua rebu muslim jumlah
bade kodo haji umrah

123) Berkah taya kajadian
margi nurut perjanjian
malah loba musrik Mekkah
arasup Islam sumerah

124) Taun tujuh sasih Safar
nempuh Yahudi di Chebar
nu ngalawan gemprah bangkar
nu takluk dibere omber

125) Taun ka dalapan hijrah
kajadian perang Mut'ah
Jumadil Awwal katelah
Muslimin unggul berekah

126) Roncom ka dalapan hijrah
kangjeng Nabi angkat ka Mekkah
nyandak balad anu rongkah
sapuluh rebu di jumlah

127) Rek ngagempur kafir Mekkah
da bongan wani ngarobah
perjanjian Hudebiyyah
bari curang bangkawarah

128) Musrik Mekkah nu tadina
ka Muslim ngahina hina
nganyenyeri samemena
nyieun fitnah salilana

129) Barang ningal balad Rosul
nakleuk ngaguruh murudul
musrikin kabeh gogodeg
gugup geumpeur jeung ngadegdeg

130) Taya nu wani ngayonan
da puguh lain lawaneun
Samalahan Abu Sufyan
harita manehna iman

131) Tapi aya sapasukan
ngalawan bakat ku sungkan
asup Islam henteu sanggup
kajeun paeh batan nurut

132) Nu dipimpin ku Ikrimat
bin Abu Jahal si la'nat
dua ti muslimin korban
ti kafir dua dalapan

133) Geus beres Nabi nalukkeun
patung di jungkel-jungkelkeun
ra'yat nu sok nganyerikeun
di hampura dibebaskeun

134) Masih taun ka dalapan
bulan Sawwal perang Hunen
perang hebat pada kuat
ampir muslimin barirat

135) Namung berkah henteu kalah
malah musrikin sumerah
gonimahna estu rongkah
ngitungna ge matak seunggah

136) Domba opat puluh rebu
jeung tawanan genep rebu
dua puluh dua rebu
onta bikang sareng jalu

137) Opat ratus gram perak
ngagunduk bodas marakbak
sareng seueur-seueur deui
teu diterangkeun didieu

138) Pang ahirna peperangan
nu ku Rosul disarengan
perang Tabuk nu katelah
Rajab ka salapan hijrah

139) Taun ka sapuluh hijrah
kangjeng Nabi jarah ka Mekkah
saratus rebu jama'ah
ngalabring ngeungkeuy ngaguruh

140) Haji wada katelahna
haji anu pangahirna
harita Nabi nasehat
panjang tur pohara hebat

141) Nerangkeun jalan akherat
oge jalan masyarakat
sangkan ummat pada ni'mat
ti dunya dugi ka akherat

142) Hukum Islam geus sampurna
kitu deui sareatna
teu aya pisan kurangna
kantun ngajalankeunnana

143) Harita Islam cahyana
sumirat sabubuana
seungit lain dikieuna
nerekab ka mana-mana

144) Nabi geus seep tugasna
ngadugikeun risalahna
bari nyumponan mistina
teu aya pisan mencogna

145) Hijrah taun ka sabelas
Senen tanggal dua belas
Rabi'ul awwal bulanna
Nabi ngantun alam pana

146) leu riwayat parantos
namung kacida diringkes
saupami palay paos
kitab ageung bae aos

Cari Semua Kebutuhan Kamu Di Sini

--------------------------------------------------------------

Women Clothes - Food & Beverages - Men Bags 

Mom & Baby - Sports & Outdoor - Automotive

Computer & Accessories - Health - Mobile & Accessories

Muslim Fashion - Women Bags - Watches 

Beauty & Care - Men Clothes - Women Shoes

Photography - Men Shoes - Baby & Kids Fashion - 

Stationery & Books

-------------------------------------------------------------