Kutipan Al-Quran Bahasa Sunda

 

sundabogortea.blogspot.com

Yeuh manusa! Saéstuna jangji Allah téh hak.Ku kituna poma maranéh ulah katipu ku kahirupan dunya, jeung poma maranéh ulah katipu ku tukang tipu dina (agama) Allah. 

(Q.S FÁTHIR: 5)

Saenyana dina kasusah (rohani) téh aya kabungah. Jeung saenyana dina karipuh (jasmani) téh aya kasenangan.

(Q.S AL-INSYIRÁH: 5-6)

Ku kituna masing sabar, karana saéstuna jangji Allah téh hak, jeung kadé ulah nepi ka jalma-jalma anu henteu yakin (kana benerna ayat-ayat Allah) ngarentagkeun manéh.

(Q.S AR-RÚM: 60)

Jeung sing saha anu takwa ka Allah, tanwandé Anjeunna ngagampangkeun dina urusanana.

(Q.S ATH-THALÁQ: 4)

Yeuh, jalma-jalma anu ariman! Masing inget ka Allah kalawan sing loba ingetna.

(Q.S AL-AHZÁB: 41)

Saéstuna Pangéran kaula anu kacida deukeutna,

jeung nu ngaijabah.

(Q.S HUD: 61)

Saéstuna lampah-lampah hadé téh ngalebur dosa lampah-lampah anu goréng.

(Q.S HUD: 114)