3 Qul Pengantar Tidur
Surat ka-112; 4 ayat
Diwahyukeun di Mekkah
Ka Alloh abdi nyalindung
tina panggodana setan.
Kalayan asma-Na Allah,
Nu Maha Murah,
Nu Maha Asih.
1. Pok caritakeun (Muhammad):
"Saéstuna Allah Maha Tunggal.
2. Allah pamuntangan (sakumna mahluk).
3. Anjeunna henteu puputra
jeung henteu dibabarkeun.
4. Jeung henteu aya hiji ogé anu nyaruaan Anjeunna."
__
Surat ka-113; 5 ayat
Diwahyukeun di Mekkah
Kalayan asma-Na Allah,
Nu Maha Murah,
Nu Maha Asih.
1. Pok caritakeun (Muhammad):
"Kaula nyalindung ka Pangéran nu murbéng balébat subuh.
2. Tina kajahatan saniskara anu geus diyugakeun.
3. Jeung tina kajahatan peuting dina mangsa poék mongkléng.
4. Jeung tina kajahatan tukang niupan cangreud-cangreud (tukang tenung)
5. Jeung tina kajahatan nu hasud nalika hasudna."
__
Surat ka-114; 6 ayat
Diwahyukeun di Mekkah
Kalayan asma-Na Allah,
Nu Maha Murah,
Nu Maha Asih.
1. Pok caritakeun (Muhammad):
"Kaula neda tulung nyalindung ka Pangéran nu ngaraksa-ngariksa manusa.
2. Rajana sakabéh manusa.
3. Pangéranna sakabéh manusa.
4. Tina kajahatan nu ngaharéwos, nu ngadodoho.
5. Anu ngaharéwos dina haté manusa.
6. Ti bangsa jin jeung manusa."
__
--------------------------------------------------------------
-------------------------------------------------------------
