AL-FATIHAH (BUBUKA)
Surat ka-1; 7 ayat
Diwahyukeun di Mekkah
Ka Alloh abdi nyalindung tina panggodana setan.
1. Kalayan asma-Na Allah, Nu Maha Murah,
Nu Maha Asih.
2. Sadaya puji kagungan Allah, Pangéran anu murbéng alam sadaya.
3. Nu Maha Murah, Nu Maha Asih.
4. Nu kagungan dinten wawelas
5. Mung ka Gusti abdi sadaya ibadah, sareng mung ka Gusti abdi sadaya neda pitulung.
6. Mugi Gusti maparin pituduh ka abdi sadaya kana jalan anu lempeng.
7. (Nyaéta) Jalan jalmi-jalmi anu parantos dipaparin ni'mat ku Gusti, sanés jalan jalmi-jalmi anu kénging bebendon ti Gusti, sareng sanés jalan jalmi-jalmi anu salasar.
#AlFatihah
